Logo farbig mit Schatten 2.png
Text schwarz.png

Z erschtä mau sider am 19i heimer nach dr erzwüngenä Konzärt-Pouse wieder mau dörfä ufd Bühni stah. Eh, isch das schön gsi, wieder mau üsnä Bsuecher:innä dörfä nä Fröid machä...u üs übrigens oo :-)

Mir si sehr gspannt gis, ob äch überhoupt no Öbber üs wott cho losä...oh ja, si hei wöuä! Mir he sogar noch müessä 50 Stüeu id Chiuche fugä, dass aui Lüt hei chönnä hockä!

U ändlech hets o mitem Jodlerklub Grindelwald klappet! Si hei üses Konzärt mit ihrem Gsang enorm bericheret. Schön, dass dir bi üs z Gscht syt gsi!

Z Schwyzerörgeli-Quartett Ohalätz het mau wieder a üsem Konzärt für Begeschterig gsorget, mit ihrnä lüpfigä Stück hei si üses Konzärt eröffnet u ungermahlä.

Merci aunä, wö öbbis zu däm schönä Konzärt hei bitreit, egau ob Sänger, Musiker oder Bsuecher. Es het mega gfägt!

Aui Föteli © by Willi Joss