Ds Konzärt 2019 isch ä grossä Erfoug gsi. Vorem Konzärt heimer zerschtä mau Kafi & Chuechä abotä u es si viu meh Lüt cho, aus mir das erwartet hei. Aber es het niemer müssä Hunger liedä...

​

D Chiuchä isch fasch ganz vou gsi, mir hei vor emnä grossä u sehr interessiertä Publikum dörfä singä. Merci viumau für öiä Bsuech!

​

Aus Gaschtklub hei mir dr Jodlerklub Grindelwald igladä gha. Leider hei si üs sehr chruzfrischtig müessä absägä, dr erscht Jodu isch chrankheitshauber usgfauä. Das het aui Betroffenä sehr mögä. Mir wünschä uf däm Wag schnäui u gueti Besserig! Viläch klappets es angers mau.

​

Mir hei aber mit dä Brüggstock-Jutzer ä würdigä Ersatz gfungä, si hei z Publikum mit schön gsungenä Lieder beschtens ungerhautä.

​

Ja ud Längebärger-Giele hei mit ihrä lüpfigä Stück d Publikum bau zum Gumpä bracht. We di zwe spilä, het mä immer z Gfüu, es spili ä ganzi Kapäuä!

​

Merci aunä, wo öbbis zum Glingä vo däm wunderbarä Vorabä bitreit hei.